༉ འབྲུག་གི་བཙག་འཐུ་ལྷན་ཚོགས་ཀྱི་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་ དོན་ཚན་ ༤༥༧ དང་འཁྲིལ་ སྤྱི་ལོ་ ༢༠༢༡ ཟླ་ ༡༢ པའི་ཚེས་ ༢༢ ལུ་ འགོ་འདྲེན་འཐབ་ཡོད་པའི་ ས་གནས་གཞུང་གི་བཙག་འཐུ་ཐེངས་གསུམ་ཚོགས་རྒྱན་གྲུབ་འབྲས་འདྲན་འདྲ་འཐོབ་ཡོད་མི་ ས་གནས་གཞུང་གི་འདེམས་ཁོངས་ཚུའི་དོན་ལས་ སྤྱི་ཚེས་ ༡༨-༠༤-༢༠༢༢ ལུ་ སླར་བཙག་འཐུ་འགོ་འདྲེན་འཐབ་ཡོད་པའི་ གྲུབ་འབྲས་འདི་ གསལ་བསྒྲགས་འབདཝ་ཨིན།
བཙག་འཐུ་གྲུབ་མི་ ཚོགས་པའི་ འདེམས་ངོ་ཚུའི་ ཁ་གསལ་ཚུ་གཤམ་འཁོད་ལྟར་ཨིན།
| ཨང་ | རྫོང་ཁག | འདེམས་ཁོངས། | མིང་། | མི་ཁུངས་ངོ་སྤྲོད་ལག་ཁྱེར་ཨང་། |
| ༡ | མགར་ས། | མ་ཎི། | རྡོ་ཕུག། | ༡༠༤༠༢༠༠༠༢༡༥ |
| ༢ | མགར་ས། | གཤང་-འཕྲལ་དགའ་-ཝ་བཅས། | ཕུརབ་རྡོེ། | ༡༠༤༠༤༠༠༠༧༢༦ |
| ༣ | སྤུ་ན་ཁ། | བྲག་ཆུ་ཁ། | ཚེ་རིང་བཟངམོ། | ༡༡༠༠༣༠༠༠༠༩༧ |
| ༤ | སྤུ་ན་ཁ། | རྟ་མིག་འདམ་ཆུ་-ཐང་སྦྱིས། | བཙན་སྐྱོག | ༡༡༠༠༩༠༠༠༩༨༨ |
| ༥ | གསར་སྤང་། | ཁ་སྟོད། | ཚེ་དབང་། | ༡༡༣༠༨༠༠༢༦༢༥ |
| ༦ | གསར་སྤང་། | བར་གཤོང་། | སངས་རྒྱས་འཕྲིན་ལས། | ༡༡༣༡༢༠༠༠༠༢༡ |
| ༧ | གསར་སྤང་། | བཀྲིས་ཆོས་གླིང་། | ངག་དབང་ཆོས་འཛོམས། | ༡༡༥༠༤༠༠༣༧༣༢ |
| ༨ | ཀྲོང་གསར། | སྐོར་ཕུག་སྟོད། | ཀུན་ལེགས་བསྟན་འཛིན། | ༡༡༧༠༢༠༠༠༠༦༢ |
| ༩ | དབང་འདུས་ཕོ་བྲང་། | ཤིང་འཁོད་-ཁ་སྟོད། | པདྨ་རྒྱལ་མཚན། | ༡༡༩༠༧༠༠༠༧༧༥ |
མགར་ས་རྫོང་ཁག་ ཁ་སྟོད་རྒེད་འོག་ མ་ཎི་སྤྱི་འོག་ནང་ འདེམས་ངོ་གཉིས་ཆ་ར་གི་ ཚོགས་རྒྱན་གྱངས་ཁ་འདྲ་མཉམ་འཐོབ་སྟེ་ཡོད། དེ་འབདཝ་ལས་ ངོས་ལེན་འགོ་དཔོན་གྱིས་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་དོན་ཚན་ ༤༦༤ ཅན་མའི་དགོངས་དོན་དང་འཁྲིལ་ གྲུབ་འབྲས་འདི་ རྟགས་རིལ་སྒྲིལ་ཐོག་ལས་ གྲོས་ཐག་ཆོད་དེ་ཡོད།
ཚོགས་རྒྱན་སྐྱུར་བར་འོང་མི་དང་ ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཚུའི་ གནས་ཚུལ་འདི་ གཤམ་འཁོད་ལྟར་དུ་ཨིན།
༡༽ ཐོ་བཀོད་གྲུབ་པའི་ཚོགས་རྒྱན་སྐྱུར་མི་བསྡོམས། ༢༤༦༨
༢༽ ཚོགས་རྒྱན་སྐྱུར་ཡོད་པའི་བསྡོམས། ༡༣༤༣
༼ཀ༽ ཚོགས་རྒྱན་འཕྲུལ་ཆས་ཐོག ༩༦༨
༼ཁ༽ འགྲེམ་ཐོག་ཚོགས་རྒྱན་ཐོག ༣༧༥
༣༽ ཚོགས་རྒྱན་སྐྱུར་མི་བརྒྱ་ཆ། ༥༤.༤༡ ༼%༽
གྲུབ་འབྲས་ཀྱི་ཁ་གསལ་ཚུ་བཙག་འཐུ་ལྷན་ཚོགས་ཀྱི་ཡོངས་འབྲེལ་འཆར་སྒོ་https://results.ecb.bt/public/lgtied2022 ནང་གཟིགས་ཚུགས།
འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་ དོན་ཚན་ ༥༨༠ དང་འཁྲིལ་ སྐབས་ཐོབ་ཀྱི་ས་སྟོང་བསུབ་ནིའི་དོན་ལུ་ བཙག་འཐུ་གྲུབ་པའི་ འཐུས་མི་ཚུ་གིས་ ས་གནས་གཞུང་གསུམ་པའི་ གནས་ཡུན་ལྷག་ལུས་རྐྱངམ་ཅིག་གི་རིང་ ཕྱག་ཕྱིད་ཞུ་ཆོག་ནི་ཨིན།
བཙག་འཐུའི་བཤེར་ཡིག་ཕུལ་ནིའི་དུས་ཡུན་འདི་ ད་རིས་ལས་འགོ་བཙུགས་ སྤྱི་ཚེས་༣-༠༥-༢༠༢༢ ལུ་ མཇུག་བསྡུ་ནི་ཨིན།
རང་ལུགས་གནམ་ལོ་ ཆུ་ཕོ་སྟག་ལོ་ རང་ཟླ་ ༠༢ པའི་ཚེས་ ༡༨ ལུའམ་ སྤྱི་ཚེས་ ༡༩-༠༤-༢༠༢༢ ལུ།
