༉ འབྲུག་གི་བཙག་འཐུ་ལྷན་ཚོགས་ཀྱིས་ ཐིམ་ཕུག་ ཕུན་ཚོགས་གླིང་དང་ དགེ་ལེགས་ཕུག་ཁྲོམ་སྡེའི་ ཐོ་བཀོད་གྲུབ་པའི་ ཚོགས་རྒྱན་སྐྱུར་མི་ཡོངས་ལུ་ གསལ་བསྒྲགས་འབད་ནི་དེ་ཡང་ འཕྲལ་ར་འགོ་འདྲེན་འཐབ་ནི་ཨིན་པའི་ ཁྲོམ་སྡེའི་བཙག་འཐུ་ སྤྱི་ལོ་ ༢༠༢༡ གི་དོན་ལུ་ འགྲེམ་ཐོག་རྒྱན་ཤོག་མཐུན་རྐྱེན་སྤྱོད་ནིའི་ རེ་འདོད་ཡོད་པ་ཅིན་ འབྲུག་གི་བཙག་འཐུ་ལྷན་ཚོགས་དང་ཅིག་ཁར་ ཐོ་བཀོད་མཛད་གནང་ཟེར་ཞུ་ནི།
ཐོ་བཀོད་དེ་ཡོངས་འབྲེལ་གྱི་ཐོག་ལས་ https://berms.ecb.bt/postal/registration ནང་མཛད་ཚུགས།
ཨིན་རུང་ ཐོ་བཀོད་འདི་ལག་ཐོག་ མཛད་ནི་ཨིན་པ་ཅིན་ འབྲི་ཤོག་འདི་ www.ecb.bt ལས་ཕབ་ལེན་འབད་ཚུགསཔ་དང་ ཡང་ན་ རྫོང་ཁག་བཙག་འཐུའི་ ཡིག་ཚང་ཚུ་ལས་ཐོབ་ཚུགས། ཁྱོད་ཀྱིས་ བཀང་ཡོད་པའི་ འབྲི་ཤོག་འདི་ pbinfo@ecb.bt ནང་ གློག་འཕྲིན་འབད་བསྐྱལ་དགོཔ་དང་ ཡང་ན་ འགྲེམས་ཐོག་འབད་བསྐྱལ་ནི་ ཡང་ན་ མི་ངོ་འབད་ ཐིམ་ཕུག་ ཀ་ཝང་བྱང་ས་ལུ་ཡོད་པའི་ འབྲུག་གི་བཙག་འཐུ་ལྷན་ཚོགས་ཀྱི་ ཡིག་ཚང་ནང་ཕུལ་ནི་དང་ ཡང་ན་ ཉེ་འདབས་ལུ་ཡོད་པའི་ རྫོང་ཁག་བཙག་འཐུའི་ཡིག་ཚང་ནང་ཕུལ་དགོ ཕྱི་རྒྱལ་ལུ་བཞུགས་མི་ འགྲེམ་ཐོག་ཚོགས་རྒྱན་སྐྱུར་མི་ཚུ་ ཨིན་པ་ཅིན་ འབྲི་ཤོག་འདི་ pboverseas@ecb.bt ནང་ གློག་འཕྲིན་ཐོག་ལས་ བསྐྱལ་དགོཔ་དང་།
ཐོ་བཀོད་འབད་ནི་འདི་ སྤྱི་ལོ་ ༢༠༢༡ སྤྱི་ཟླ་ ༠༣ པའི་ཚེས་ ༢༣ ལུ་མཇུག་བསྡུ་ནི་ཨིན།
གཞན་ཁ་གསལ་གྱི་དོན་ལུ་ སྤྱོད་ཁྲལ་དགོངས་ཡངས་ཨང་ ༢༠༠༨ ཀྱིས་ཐོག་ལས་འབྲེལ་བ་མཛད་གནང་།
