Home > དུས་མིན་བཙག་འཐུ། > ཀྲོང་གསར་རྫོང་ཁག་ གླང་མཐིལ་རྒེད ་འོག་འོག་གི་ གླང་མཐིལ་སྤྱི་འོག་ཚོགས་པའི་ དུས་མིན་བཙག་འཐུའི་ གྲུབ་འབྲས་གསལ་བསྒྲགས།

ཀྲོང་གསར་རྫོང་ཁག་ གླང་མཐིལ་རྒེད ་འོག་འོག་གི་ གླང་མཐིལ་སྤྱི་འོག་ཚོགས་པའི་ དུས་མིན་བཙག་འཐུའི་ གྲུབ་འབྲས་གསལ་བསྒྲགས།

༉ འབྲུག་གི་བཙག་འཐུ་ལྷན་ཚོགས་ཀྱིས་ འབྲུག་གི་བཙག་འཐུའི་བཅའ་ཁྲིམས་༢༠༠༨ ཅན་མའི་དོན་ཚན་༤༥༧ པ་ དང་འཁྲིལ་ སྤྱི་ཚེས་ ༡༨/༨/༢༠༡༧ ལུ་ ཀྲོང་གསར ་རྫོང་ཁག་ གླང་མཐིལ་རྒེད་འོག་འོག་གི་ གླང་མཐིལ་སྤྱི་འོག་ཚོགས་ པའི་ དུས་མིན་བཙག་འཐུ་འགོ་འདྲེན་འཐབ་པའི་སྐབས་ མི་ངོམ་ ཉི་མ་ བཙག་འཐུ་གྲུབ་ཡོད་པའི་སྐོར་ མི་མང་ཡོངས་ ལུ་བརྡ་འཕྲིན་སྤེལཝ་ཨིན།

 
ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཡོངས་བསྡོམས ༤༤༦ ཡོད་ས་ལས་ མི་གྲངས་ ༩༤ གིས་ ཚོགས་རྒྱན་སྐྱུར་ཏེ་ ཚོགས་རྒྱན་སྐྱུར་མི་བརྒྱ་ཆ་ ༢༡.༡% འོང་ཡོདཔ་ཨིན།

 
ཚོགས་རྒྱན་ཡོངས་བསྡོམས་ ༩༤ བཙུགས་ཡོད་མི་ཆ་མཉམ་ ཚོགས་རྒྱན་ས་ཁོངས་ནང་ མི་ངོ་བོ་འབད་འགྱོ་སྟེ་ ཚོགས་རྒྱན་འཕྲུལ་ཆས་ཐོག་བཙུགས་ཏེ་ཡོདཔ་དང་ འགྲེམ་ཐོག་རྒྱན་ཤོག་ཐོག་ ཚོགས་རྒྱན་བཙུགས་མི་གཅིག་ཡང་མ་ཐོན་པས་ཟེར་ཞུ་ནི་ཨིན།

 
བཙག་འཐུ་གྲུབ་ཡོད་མི་འཐུས་མི་འདི་གིས་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་དོན་ཚན་ ༥༨༠ ཅན་མ་དང་འཁྲིལ་ཏེ་ ཧེ་མའི་འཐུས་མི་གིས་ ཕྱག་ཕྱིད་ཞུ་ཡོད་པའི་ ལྷག་ལུས་ཀྱི་གནས་ཡུན་ རྐྱངམ་ཅིག་
ཕྱག་ཕྱིད་ཞུ་ནི་ཨིན།

 
མི་མང་ཡོངས་ལུ་ བཙག་འཐུའི་བཤེར་ཡིག་བཙུགས་ནིའི་དུས་ཚོད ་འདི་ སྤྱི་ཚེས་ ༡༩/༨/༢༠༡༧ ལས་འགོ་བཙུགས་ཏེ་ སྤྱི་ཚེས་ ༣༡/༨/༢༠༡༧ གྱི་ཕྱི་རུའི་ཆུ་ཚོད་ ༥ ལུ་མཇུག་བསྡུཝ་ཨིན་པའི་དྲན་གསོ་ཕུལཝ་ཨིན།

 
རང་ལུགས་གནམ་ལོ་མེ་མོ་བྱ་ལོ་ ཟླ་ ༧ པའི་ཚེས་ ༢༨ དམ་ སྤྱི་ལོ་ ༢༠༡༧ སྤྱི་ཟླ་ ༨ པའི་ཚེས་ ༡༩ ལུ་སྤེལ།

 
འབྲུག་གི་བཙག་འཐུའི་ལྷན་འཛིན་སྤྱི་ཁྱབ།

Print Friendly, PDF & Email