དང་འདོད་ཅན་གྱི་མི་ངོམ་ཚུ་གིས་ སྤྱི་ལོ་ ༢༠༡༨ ཀྱི་ སྤྱི་ཚོགས་ ༣ པའི་རྒྱལ་ཡོངས་ཚོགས་སྡེའི་བཙག་འཐུའི་ནང་ བཅའ་མར་གཏོགས་ནི་ལུ་ སྒྲ་སྒྲིག་འབད་ཐབས་ཀྱི་དོན་ལུ་ འབྲུག་གི་བཙག་འཐུ་ལྷན་ཚོགས་ཀྱིས་ ཉིནམ་ཅིག་གི་ གོ་བསྡུར་ཞལ་འཛོམས་ཅིག་ འགོ་འདྲེན་འཐབ་ནི་ཨིནམ་ལུ་ བརྡ་འཕྲིན་སྤེལཝ་ཨིན།
དེ་འབདཝ་ལས་ ལས་རིམ་འདི་གི་དོན་ལུ་ ཁྱད་ཚད་ལྡན་པའི་ དང་འདོད་ཅན་གྱི་མི་ངོམ་ཚུ་གིས་ སྤྱི་ལོ་ ༢༠༡༧ སྤྱི་ཟླ་ ༩ པའི་སྤྱི་ཚེས་ ༢༠ འི་ནང་འཁོད་ལུ་ ཀ་ཝང་བྱང་ས་ལུ་ཡོད་པའི་ བཙག་འཐུ་ལྷན་ཚོགས་ཀྱི་ཡིག་ཚང་ལྟེ་བའི་ནང་ མི་སྡེ་དང་བཙག་འཐུའི་སྦྱོང་བརྡར་ལས་ཁུངས་དང་ ཡང་ན་ རང་སོའི་རྫོང་ཁག་བཙག་འཐུའི་ཡིག་ཚང་ནང་ ཐོ་བཀོད་མཛད་གནང་ཟེར་ཞུ་ནི་ཨིན། སྦྱོང་བརྡར་ལས་རིམ་འདི་ཡང་ ཐོ་བཀོད་འབད་མིའི་གྱངས་ཁ་དང་འཁྲིལ་ཏེ་ ས་གནས་ཁག་སོ་སོའི་ནང་ལུ་ སྤྱི་ཟླ་ ༡༠ པའི་ནང་འཁོད་ལུ་ འགོ་འདྲེན་འཐབ་ནི་ཨིན།
ཁ་གསལ་གྱི་དོན་ལུ་ བཙག་འཐུ་ལྷན་ཚོགས་ཡིག་ཚང་ལྟེ་བའི་ནང་ བཙག་འཐུའི་མི་སྡེ་དང་ སྦྱོང་བརྡར་ལས་ཁུངས་ཀྱི་འགོ་འཛིན་ ཕུརཔ་རྡོ་རྗེ་དང་གཅིག་ཁར་ བརྒྱུད་འཕྲིན་ཨང་ ༠༢-༣༤༠༦༠༡ གི་ཐོག་ལས་ འབྲེལ་བ་འཐབ་སྟེ་ བཀའ་དྲིན་བསྐྱང་གནང་ཟེར་ཞུ་ནི་ཨིན།
འབྲུག་གི་བཙག་འཐུའི་ལྷན་འཛིན་སྤྱི་ཁྱབ།
