Home > Un

རྒྱལ་ཡོངས་ཚོགས་རྒྱན་སྐྱུར་མིའི་ཉིནམ་ ཐེངས་ ༤ པ།
འབྲུག་གི་བཙག་འཐུའི་ལྷན་འཛིན་སྤྱི་ཁྱབ་ཀྱི་གསུང་འཕྲིན།

བརྩི་མཐོང་ལྡན་པའི་འབྲུག་གི་ཚོགས་རྒྱན་སྐྱུར་མི་ཡོངས་ལུ། རྫོང་ཁག་ ༢༠ འི་ནང་ལུ་ རྒྱལ་ཡོངས་ཚོགས་རྒྱན་སྐྱུར་མིའི་ཉིནམ་ ཐེངས་ ༤ པ་ བརྩི་སྲུང་ཞུ་བའི་ རྟེན་འབྲེལ་གྱི་ཉིནམ་འདི་ལུ་ ང་གིས་ འབྲུག་གི་ཚོགས་རྒྱན་སྐྱུར་མི་ཡོངས་ལུ་ མཆེད་བསྟོད་དང་ངལ་རངས་ཀྱི་ཐོག་ལས་ བཀྲ་ཤིས་བདེ་ལེགས་དང་བཅསཔ་འབད་ བཀའ་དྲིན་ཆེ་ཟེར་ཞུ་ནི་ཨིན།   སྤྱི༌ལོ༌ ༢༠༡༦ གི༌ལོ༌ལུ༌ ས་གནས་གཞུང་གི་བཙག་འཐུ་ཐེངས་ ༢ པ་འདི་ མཐར་འཁྱོལ་ཅན་ཅིག་འབད་འགོ་འདྲེན་འཐབ་ཚར་སྟེ་ཡོདཔ་ཨིན། འདི་གི་སྐབས་ལུ་ ཧེ་མའི་བཙག་འཐུ་དང་ཕྱདཔ་ད་ བཅའ་མར་གཏོགས་མིའི་གྱངས་ཁ་ ཡར་སེང་འགྱོ་ཡོད་པའི་ནང་ལས་ཡང་ ཨམ་སྲུའི་འདེམས་ངོ་ལེ་ཤ་ཐོན་ཡོད་པའི་ཁར་ མང་ཧེ་རྫོགསཔ་ཅིག་ བཙག་འཐུ་ཡང་གྲུབ་སྟེ་ཡོདཔ་ཨིན། ས་གནས་གཞུང་གི་བཙག་འཐུའི་ནང་ འདེམས་ངོ་ ༣༤༡༧ གྱིས་ བཅའ་མར་གཏོགས་ཡོད་ས་ལས་ འདེམས་ངོ་ ༡༤༣༩ གིས་ ས་གནས་གཞུང་གི་ གོ་གནས་མ་འདྲཝ་ཚུ་གི་དོན་ལུ་ བཙག་འཐུ་གྲུབ་སྟེ་ཡོདཔ་ཨིན།   ད་རི་རྒྱལ་ཡོངས་ལུ་ རྒྱལ་ཡོངས་ཚོགས་རྒྱན་སྐྱུར་མིའི་ཉིནམ་བརྩི་སྲུང་ཞུ་མི་དང་འབྲེལ་ཏེ་ སྤྱི་ལོ་ ༢༠༡༨ ཀྱི་སྤྱི་ཚོགས་ཀྱི་བཙག་འཐུ་འདི་ ང་བཅས་རའི་མ་འོངས་སྔོན་གཟིགས་ཅན་གྱི་ མངའ་བདག་ཡབ་མེས་ཚུ་གི་ཐུགས་ཀྱི་དགོངས་འཆར་དང་ རྒྱལ་ཡོངས་རྩ་ཁྲིམས་ཆེན་མོའི་དགོངས་དོན་དང་འཁྲིལ་ཏེ་ འགོ་འདྲེན་འཐབ་ཞིནམ་ལས་ རྒྱལ་ཁབ་ནང་ལུ་ ནུས་སྟོབས་ཅན་གྱི་ དམང་གཙོའི་རིང་ལུགས་གཞི་བཙུགས་འབད་ནི་ལུ་ གཙོ་རིམ་བཟུང་ནི་དང་

Read More