༉ འབྲུག་གི་བཙག་འཐུ་ལྷན་ཚོགས་ཀྱི་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་དོན་ཚན་ ༥༧༧ པ་དང་༥༧༩ དེ་ལས་ ས་གནས་གཞུང་གི་བཅའ་ཁྲིམས་ ༢༠༠༩ ཅན་མའི་ དོན་ཚན་ ༣༣ པ་དང་ ༣༤ པ་ཚུ་དང་འཁྲིལ་
བཀྲིས་གཡང་རྩེ་རོང་ཁག་ འབུམ་སྡེ་གླིང་གི་རྒེད་འོག་གི་རྒཔོ་དང་ གསར་སྤང་རོང་ཁག་ རྟ་རས་ཐང་རྒེད་འོག་ པདྨ་ཆོས་ གླིང་སྤྱི་འོག་གི་ རྒེད་འོག་ཚོགས་སྡེ་ཚོགས་པ་གཉིས་ གོ་གནས་ལས་ཕྱིར་བཤུད་འབད་དེ་ ས་སོང་འཐོན་ཡོདཔ་དང་།
བཀྲིས་གཡང་རྩེ་རོང་ཁག་ འབུམ་སྡེ་གླིང་རྒེད་འོག་ བེ་རྩ་མང་སྤྱི་འོག་གི་ རྒེད་འོག་ཚོགས་སྡེ་ཚོགས་པ་ ཐིམ་ཕུག་ རོང་ཁག་ སོས་རྒེད་འོག་ འཇོམས་ཕུ་སྤྱི་འོག་གི་ རྒེད་འོག་ཚོགས་སྡེ་ཚོགས་པ་གཉིས་ གཟུགས་ཁམས་ཡུན་འགྱངས་ འབད་ མ་བདེ་བའི་དཀའ་ངལ་ལུ་བརྟེན་གོ་གནས་དགོངས་ཞུ་ཡོདཔ་དང་།
ཧཱ་རོང་ཁག་ དགའ་སྐྱིད་གླིང་རྒེད་འོག་ རྡོ་རི་མཐའ་ས་-ཀོཝ་ཁ་-ཡང་རྩེ་ སྤྱི་འོག་གི་ རྒེད་འོག་ཚོགས་སྡེ་ཚོགས་པ་ གོ་གནས་ལས་དགོངས་ཞུ་འབདཝ་ལས་བརྟེན་ གོང་འཁོད་ཀྱི་གོ་གནས་ཚུའི་དོན་ལུ་ དུས་མིན་བཙག་འཐུའི་གསལ་ བསྒྲགས་འབདཝ་ཨིན།
