Home > གསལ་བསྒྲགས། > གནད་དོན་ འབྲི་ལྷག་ཤེས་ཡོན་དང་རིག་རྩལ་བརྟག་དཔྱད་གྲུབ་འབྲས་གསལ་བསྒྲགས་༢༠༡༦།

གནད་དོན་ འབྲི་ལྷག་ཤེས་ཡོན་དང་རིག་རྩལ་བརྟག་དཔྱད་གྲུབ་འབྲས་གསལ་བསྒྲགས་༢༠༡༦།

༉    འབྲུག་གི་བཙག་འཐུ་ལྷན་ཚོགས་ཀྱིས་ མི་མང་ཡོངས་ལུ་ཞུ་དོན་འདི་ཡང་ སྤྱི་ཚེས་༡༩-༠༧-༢༠༡༦ ལུ་ འགོ་འདྲེན་འཐབ་པའི་ འབྲི་ལྷག་ཤེས་ཡོན་དང་རིག་རྩལ་བརྟག་དཔྱད་གྲུབ་འབྲས་ཀྱི་གསལ་བསྒྲགས་འབདཝ་ཨིནམ་དང་ གྲུབ་འབྲས་འདི་ ཐིམ་ཕུག་འབྲུག་གི་བཙག་འཐུ་ལྷན་ཚོགས་དང་ འབྲེལ་ཡོད་རྫོང་ཁག་བཙག་འཐུ་ཡིག་ཚང་ཁག་ཚུ་ནང་གཟིགས་ཚུགསཔ་མ་ཚད་ ཡོངས་འབྲེལ་ཁ་བྱང་ http://www.election-bhutan.org.bt/ ཐོག་ལས་ཡང་གཟིགས་ཚུགས།

རིག་རྩལ་བརྟག་དཔྱད་འདི་ནང་ བསྡོམས་ཀྱིས་ཨམ་སྲུ་༡༠༢ དང་ ཕོ་རྒས་༣༦༥ གིས་ བཅའ་མར་གཏོགས་ཡོད་མི་གྲལ་ལས་ ཨམ་སྲུ་༩༦ དང་ ཕོ་རྒས་༢༩༨ ཀྱིས་ འབྲི་ལྷག་ཤེས་ཡོན་དང་རིག་རྩལ་བརྟག་དཔྱད་ཀྱི་ ལག་ཁྱེར་ཐོབ་སྟེ་ཡོད།

དབྱེ་དཔྱད་ལོག་སྟེ་འབད་དགོཔ་རེ་ཡོད་པ་ཅིན་ འདི་གི་ཞུ་ཡིག་འདི་ སྤྱི་ཚེས་༤-༠༨-༢༠༡༦ ཕྱི་རུའི་ཆུ་ཚོད་༥ ལས་མ་ཕྱི་བར་ འབྲེལ་ཡོད་རྫོང་ཁག་བཙག་འཐུ་འགོ་དཔོན་ཚུ་དང་ ཡང་ན་ བཙག་འཐུ་གཙོ་འཛིན་འགོ་དཔོན་ལུ་ ཐད་ཀར་དུ་བཙུགས་དགོ།

ས་གནས་གཞུང་གི་བཙག་འཐུ་ཐེངས་གཉིས་པའི་གོ་རིམ་གཉིས་པ་༢༠༡༦ གི་བཙག་འཐུའི་ནང་ འདེམས་ངོ་སྦེ་དོ་འགྲན་འབད་ནིའི་དམིགས་གཏད་ཡོད་མི་ ཁྱད་ཚད་ལྡན་པའི་ཚོགས་རྒྱན་སྐྱུར་མི་ཚུ་གིས་ ཆེད་དམིགས་བཀོད་པའི་འབྲི་ཤོག་ཚུ་དང་འཁྲིལ་བའི་གདམ་ངོའི་ཡིག་ཆ་བཙུགས་ནི་ལུ་ དགོས་མཁོ་ཆེ་བའི་ཡིག་ཆ་ཚུ་ གྲ་སྒྲིག་འབད་དགོ་པའི་ཡང་བསྐྱར་གྱི་དྲན་གསོ་ཞུཝ་ཨིན།

རང་ལུགས་གནམ་ལོ་མོ་ཕོ་སྤྲེལ་ལོ་ ཟླ་དྲུག་པའི་ཚེས་ཉེར་གཉིས་སམ་ སྤྱི་ལོ་༢༠༡༦ ཟླ་༠༧ པའི་ཚེས་༢༦ ལུ་སྤེལ།

 

 

 

 

 

(ཆོས་རྒྱལ་ཟླ་གོ་རིག་འཛིན་)

འབྲུག་གི་བཙག་འཐུ་ལྷན་འཛིན་སྤྱི་ཁྱབ།

Print Friendly, PDF & Email