Home > དུས་མིན་བཙག་འཐུ། > བཀྲིས་སྒང་རོང་ཁག་ བསམ་མཁར་རྒེད་འོག་གི་རྒཔོ་དང་ སྤུ་ན་ཁ་རོང་ཁག་ གུ་མ་-ཝོ་ལ་ཁ་སྤྱི་ འོག་གི་ རྒེད་འོག་ཚོགས་སྡེ་ཚོགས་པའི་གོ་གནས་ལུ་ དུས་མིན་བཙག་འཐུའི་གྲུབ་འབྲས་གསལ་སོན།

བཀྲིས་སྒང་རོང་ཁག་ བསམ་མཁར་རྒེད་འོག་གི་རྒཔོ་དང་ སྤུ་ན་ཁ་རོང་ཁག་ གུ་མ་-ཝོ་ལ་ཁ་སྤྱི་ འོག་གི་ རྒེད་འོག་ཚོགས་སྡེ་ཚོགས་པའི་གོ་གནས་ལུ་ དུས་མིན་བཙག་འཐུའི་གྲུབ་འབྲས་གསལ་སོན།

༉ འབྲུག་གི་བཙག་འཐུ་ལྷན་ཚོགས་ཀྱིས་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་དོན་ཚན་ ༤༥༧ པའི་དགོངས་དོན་དང་འཁྲིལ་ སྤྱི་ཚེས་༣-༡༢-༢༠༡༨ ལུ་ བཀྲིས་སྒང་རོང་ཁག་ བསམ་མཁར་རྒེད་འོག་
གི་རྒཔོ་དང་ སྤུ་ན་ཁ་རོང་ཁག་ གུ་མ་-ཝོ་ལ་ཁ་སྤྱི་འོག་གི་རྒེད་འོག་ཚོགས་སྡེ་ཚོགས་པའི་གོ་གནས་ལུ་ དུས་མིན་ བཙག་འཐུ་འགོ་འདྲེན་འཐབ་སྐབས་ མི་ངོམ་འཇམ་དབྱངས་དང་ མི་ངོམ་བཙན་སྐྱོགས་དབང་མོ་ བསམ་མཁར་
རྒེད་འོག་གི་རྒཔོ་དང་ གུ་མ་-ཝོ་ལ་ཁ་སྤྱི་འོག་གི་རྒེད་འོག་ཚོགས་སྡེ་ཚོགས་པའི་གོ་གནས་ལུ་ བཙག་འཐུ་གྲུབ་ ཡོདཔ་བཞིན་དུ་ མི་མང་ཡོངས་ལུ་བརྡ་འཕྲིན་སྤེལཝ་ཨིན།

ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཡོངས་བསོམས་༤༢༤༢ ཡོད་ས་ལས་ ཚོགས་རྒྱན་བཙུགས་མི་བསོམས་ ༡༧༩༢ ཀྱིས་ཚོགས་རྒྱན་སྐྱུར་ཏེ་ བརྒྱ་དཔྱ་༤༢.༢༤% འོང་ཡོདཔ་ཨིན། ཚོགས་རྒྱན་བཙུགས་མི་བསོམས་༩༤༥
གིས་སྤྱི་འོག་གི་ཚོགས་རྒྱན་ས་ཁོངས་ནང་ལས་ ཚོགས་རྒྱན་འཕྲུལ་ཆས་ཐོག་ མི་ངོམ་སྦེ་ ཚོགས་རྒྱན་སྐྱུར་ ཡོད་པའི་ཁར་ ཚོགས་རྒྱན་སྐྱུར་མི་༨༤༧ གྱིས་འགྲེམ་ཐོག་ཚོགས་རྒྱན་སྐྱུར་ཡོདཔ་ཨིན།

འཐུས་མི་བཙག་འཐུ་གྲུབ་ཡོད་མི་འདི་གིས་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་དོན་ཚན་ ༥༨༠ པ་དང་འཁྲིལ་ཏེ་ བོ་འབུར་གྱི་ས་སོང་བསུབ་ནིའི་དོན་ལུ་ ཧེ་མའི་འཐུས་མི་གིས་ཕྱག་ཞུ་ཡོད་པའི་ ལྷག་
ལུས་ཀྱི་གནས་ཡུན་རྐྱངམ་ཅིག་ཕྱག་ཞུ་ནི་ཨིན།

མི་མང་ཡོངས་ལུ་ བཙག་འཐུའི་བཤེར་ཡིག་བཙུགས་ནི་དུས་ཚོད་འདི་ སྤྱི་ཚེས་ ༤-༡༢-༢༠༡༨ ལས་འགོ་བཟུང་ སྟེ་ སྤྱི་ཚེས་ ༡༨-༡༢-༢༠༡༨ ཀྱི་ ཕྱི་རུའི་ཆུ་ཚོད་ ༥ ལུ་ མཇུག་བསྡུ་ནི་ཨིན་པའི་སྙན་ཞུ་འབདཝ་ཨིན། རང་
ལུགས་གནམ་ལོ་ས་ཕོ་ཁྱི་ལོ་ ཟླ་ ༡༠ པའི་ཚེས་ ༢༧ འམ་ སྤྱི་ཚེས་ ༤-༡༢-༢༠༡༨ ལུ།

འབྲུག་གི་བཙག་འཐུ་ལྷན་འཛིན་སྤྱི་ཁྱབ།

Print Friendly, PDF & Email