Home > དུས་མིན་བཙག་འཐུ། > དྭངས་ཆུ་རྒེད་འོག་གི་རྒཔོ་གི་དུས་མིན་བཙག་འཐུའི་གྲུབ་འབྲས་གསལ་བསྒྲགས།

དྭངས་ཆུ་རྒེད་འོག་གི་རྒཔོ་གི་དུས་མིན་བཙག་འཐུའི་གྲུབ་འབྲས་གསལ་བསྒྲགས།

༉ འབྲུག་གི་བཙག་འཐུ་ལྷན་ཚོགས་ཀྱིས་ འབྲུག་གི་བཙག་འཐུའི་བཅའ་ཁྲིམས་༢༠༠༨ ཅན་མའི་དོན་ཚན་༤༥༧ པ་དང་འཁྲིལ་ སྤྱི་ཚེས་ ༦-༣-༢༠༡༧ ལུ་ དབང་འདུས་རྫོང་ཁག་ དྭངས་ཆུ་རྒེད་འོག་གི་རྒཔོ་གི་ དུས་མིན་བཙག་འཐུ་འགོ་འདྲེན་འཐབ་པའི་སྐབས་ མི་ངོམ་སྤེན་པ་ འདི་ བཙག་འཐུ་གྲུབ་ཡོད་པའི་སྐོར་ མི་མང་ཡོངས་ལུ་བརྡ་འཕྲིན་སྤེལཝ་ཨིན།

ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཡོངས་བསྡོམས ༡༡༦༢ (ཕོ་ ༥༠༡ དང་ མོ་ ༦༦༡) ལས་ ཚོགས་རྒྱན་སྐྱུར་བར་འོང་མི་བསྡོམས་ ༩༠༢ ཀྱིས་ཚོགས་རྒྱན་བཙུགས་ཏེ་ཡོདཔ་ལས་ བརྒྱ་དཔྱ༌༧༧.༦%་ གིས་ ཚོགས་རྒྱན་བཙུགས་ཏེ་འདུག། ཚོགས་རྒྱན་བཙུགས་ཡོད་མི་ཡོངས་བསྡོམས་ལས་ ཚོགས་རྒྱན་༨༠༣ འདི་ ཚོགས་རྒྱན་ས་ཁོངས འི་ནང་ མི་ངོ་བོ་འབད་འགྱོ་སྟེ་ ཚོགས་རྒྱན་འཕྲུལ་ཆ་ཐོག་བཙུགས་ཏེ་ཡོདཔ་དང་ ཚོགས་རྒྱན་ ༩༩ འདི་ འགྲེམ་ཐོག་རྒྱན་ཤོག་ཐོག་བཙུགས་ཏེ་འདུག།

བཙག་འཐུ་གྲུབ་ཡོད་མི་འཐུས་མི་འདི་གིས་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་དོན་ཚན་ ༥༨༠ ཅན་མ་དང་འཁྲིལ་ཏེ་ ཧེ་མའི་འཐུས་མི་གིས་ ཕྱག་ཕྱིད་ཞུ་ཡོད་པའི་ ལྷག་ལུས་ཀྱི་གནས་ཡུན་ རྐྱངམ་ཅིག་ ཕྱག་ཕྱིད་ཞུ་ནི་ཨིན།

མི་མང་ཡོངས་ལུ་ བཙག་འཐུའི་བཤེར་ཡིག་བཙུགས་ནིའི་དུས་ཚོད་འདི་ སྤྱི་ཚེས་ ༧/༣/༢༠༡༧ ལས་འགོ་བཙུགས་ཏེ་ སྤྱི་ཚེས་ ༢༠/༧/༢༠༡༧ གྱི་ཕྱི་རུའི་ཆུ་ཚོད་ ༥ ལུ་མཇུག་བསྡུཝ་ཨིན་པའི་དྲན་གསོ་ཕུལཝ་ཨིན།

རང་ལུགས་གནམ་ལོ་མེ་མོ་བྱ་ལོ་ ཟླ་དང་་པའི་ཚེས་དགུ་འམ་ སྤྱི་ལོ་༢༠༡༧ ཟླ་ ༣ པའི་ཚེས་ ༦ ལུ་སྤེལ།

 

འབྲུག་གི་བཙག་འཐུའི་ལྷན་འཛིན་སྤྱི་ཁྱབ།

wangduean

Print Friendly