Home > གསལ་བསྒྲགས། > མི་མང་བསླབ་སྟོན།

མི་མང་བསླབ་སྟོན།

༉    འབྲུག་གི་བཙག་འཐུ་ལྷན་ཚོགས་ཀྱིས་ ཡང་བསྐྱར་དྲན་གསོ་ཞུ་དོན་འདི་ཡང་ ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཆ་མཉམ་གྱིས་རང་ སྤྱི་ཚེས་༢༧༢༠༡༦ གི་ ཚོགས་རྒྱན་ཉིནམོ་ལུ་ ཚོགས་རྒྱན་ས་ཁོངས་ནང་ལྷོད་པའི་སྐབས་ ཚོགས་རྒྱན་སྐྱུར་མི་དེ་གི་ངོས་འཛིན་འབད་ནི་འདི་  འབྲུག་གི་བཙག་འཐུ་ལྷན་ཚོགས་ཀྱིས་སྤྲོད་མི་ ཚོགས་རྒྱན་སྐྱུར་མི་ངོས་འཛིན་འདྲ་པར་ རྐྱངམ་ཅིག་ལུ་ ཆ་འཇོག་འབད་ནི་ཨིན་པའི་ དྲན་གསོ་ཞུཝ་ཨིན།

དེ་འབདཝ་ལས་ ཚོགས་རྒྱན་སྐྱུར་མི་ཆ་མཉམ་གྱི་རང་ ཚོགས་རྒྱན་ཉིནམོ་དེ་ཁར་ ཚོགས་རྒྱན་སྐྱུར་མི་ངོས་འཛིན་འདྲ་པར་ བསྣམ་སྟེ་འབྱོན་དགོཔ་འདི་ ཐུགས་ལུ་བསྣམ་དགོཔ་དང་ རང་སོའི་མི་ཁུངས་ངོ་སྤྲོད་ལག་ཁྱེར་འདི་ཡང་ བསྣམ་ཏེ་འབྱོན་དགོ། གལ་སྲིད་ ཚོགས་རྒྱན་སྐྱུར་མི་ངོས་འཛིན་འདྲ་པར་འདི་ལས་བརྟེན་པའི་ རྩོད་རྙོགས་རེ་འཐོན་ཏེ་འབད་བ་ཅིན་ སྡེ་ཁྲིད་འགོ་དཔོན་གྱིས་ མི་ཁུངས་ངོ་སྤྲོད་ལག་ཁྱེར་འདི་ལུ་གཞི་བཞག་སྟེ་ གྲོས་ཐག་ཆོད་དགོཔ་ཨིན།

དེ་འབདཝ་ལས་ ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཆ་མཉམ་གྱིས་ རང་སོའི་ཚོགས་རྒྱན་སྐྱུར་མི་ངོས་འཛིན་འདྲ་པར་འདི་ འབྲུག་རྒྱལ་ཡོངས་རྒྱལ་དར་གྱི་ཚོས་གཞི་ཅན་སྦེ་ཡོད་མི་འདི་ ཨིན་ན་མེན་གི་ལྟ་རྟོག་ཚུ་འབད་གནང་དགོ་པའི་ དྲན་གསོ་ཞུཝ་ཨིན། གལ་སྲིད་ ཁྱོད་རང་ཁྱད་ཚད་ལྡན་པའི་ཚོགས་རྒྱན་སྐྱུར་མི་ཨིན་རུང་ ཚོགས་རྒྱན་སྐྱུར་མི་ངོས་འཛིན་འདྲ་པར་མེད་དེ་འབད་བ་ཅིན་ རང་སོའི་འབྲེལ་ཡོད་རྫོང་ཁག་བཙག་འཐུ་ཡིག་ཚང་ ཡང་ན་ བཙག་འཐུ་ལྷན་ཚོགས་ཀྱི་ཡིག་ཚང་ལྟེ་བ་དང་གཅིག་ཁར་འབྲེལ་བ་འཐབ་སྟེ་ ཚོགས་རྒྱན་སྐྱུར་མི་ངོས་འཛིན་འདྲ་པར་འདི་ལེན་ཞིནམ་ལས་ སྤྱི་ཚེས་༢༧༢༠༡༦ རེས་གཟའ་ལྷག་པའི་ཚེས་ ཚོགས་རྒྱན་ས་ཁོངས་ནང་འབྱོན་པའི་སྐབས་བསྣམ་འབྱོན་གནང་ཟེར་བའི་དྲན་གསོ་ཞུཝ་ཨིན།

 

ཚོགས་རྒྱན་ཉིནམོ་ཚུན་ལུ་འགུག་སྟེ་མ་བཞུགས་པར་ ད་ལྟོ་ལས་རང་མཛད་གནང་

Print Friendly, PDF & Email